English Afrikaans

 

Ongeveer 45 000 ton koejawels word jaarliks vir vars verkope en verwerking in Suid Afrika, geoes. Dit sluit die groot volume koejawels wat deur informele handelaars verkoop word, uit.  Die grootste hoeveelheid koejawels (waarvan 25 000 ton geproduseer word in die Wes Kaap) word verwerk na sapprodukte, terwyl 24% (10 000 ton) verkoop word aan die formele vars mark.

Guavas - Share by Category



Koejawels kan regdeur die jaar op verskillende maniere, geniet word. 

Dit sluit in:

Vars

In die wintermaande, gedurende April en September, kan vars koejawels by vrugte- en groentewinkels, supermarkte, varsprodukte markte en plaasstalletjies bekom word.  Daar is niks beter as om ‘n ryp, sappige koejawel te eet nie.

Inmaak

Uitgesoekte koejawels word geoes wanneer dit perfek ryp is en dan na ‘n inmaakfabriek geneem waar dit gesorteer, afgeskil en ingemaak word.  Ingemaakte koejawels is ook ‘n waardevolle uitvoer inkomste vir die land.

Pulp & Konsentraat

Groot hoeveelhede koejawels word geoes en pulp of konsentraat word vir die gebruik van sap gemaak.

Koejawelsap & Vrugtemengsels

Niks klop 100% suiwer koejawelsap nie. Die sterk koejawelgeur maak dit ook ideaal vir mengsels met ander vrugtesappe.

Gedroogde Koejawels

Gedroogde en versuikerde koejawels, 'n gunsteling Suid-Afrikaanse happie.